اخبارنا // القوس تصدر الأغنيّة الأولى لغنّي عن التعريف 2

القوس تصدر الأغنيّة الأولى لغنّي عن التعريف 2

أصدرت القوس الأربعاء 18/7/2018 الأغنيّة الأولى للمشروع الموسيقي غنّي عن التعريف 2، "القصّة هيّ هيّ" من كلمات وتلحين وغناء الفنّانة يسر.

تنطلق الأغنيّة من تجربة الكثير من العلاقات الكويريّة/ المثليّة التي تواجه تحدّيات ومساءلة من المجتمع بشكل مستمرّ، ما يجعل طرف من هذه العلاقة في حالة من الترددّ أو عدم اليقين، على اعتبار أنّ العلاقة المثليّة "غير مريحة" وخارجة عن النمط المعياري أو التقليدي للعلاقات.

يُسر فنانة فلسطنية مستقلة تقطن في رام الله، مهتمّة بقضايا الجندر والتأثيرات المجتمعية على الجسد. درست الموسيقى العربية و العزف على القانون في معهد إدوارد سعيد، وحصلت على شهادة البكلوريوس في الفنون البصرية المعاصرة من الأكاديمية الدولية للفنون.

ولاقت الأغنيّة منذ الساعات الأولى من النّشر على صفحة القوس على الفيسبوك انتشارًا وتفاعلًا واسعًا، حيث تخطّ ت عدد مشاهدات الأغنيّة الألفين مشاهدة حتّى ساعات المساء.

انطلق "غنّي عن التعريف" عام 2013، بإصدار الألبوم الأوّل الذي يحوي مجموعة أغاني متنوّعة تحاكي مواضيع التعدديّة الجنسيّة والجندريّة، والجنسانيّة بشكلٍ عام. لاقت الأغاني منذ إذٍ حتّى الآن صدىً كبيرًا والكثير من الرّواج، حيث سمعها عشرات الآلاف من الفئات المختلفة وعلى منصّات متنوّعة.

أمّا الإنطلاقة الجديدة لغنّي عن التعريف فستأخذ شكل الإنتاج المستمرّ لموسيقى وأغاني جديدة كلّ فترة ضمن المشروع ذاته، ومع حرص ووعي تامّ بتنوّع خلفيّات الفنّانات/ين وتجاربهم.

رابط الأغنيّة على ساوند كلاود

كلمات الأغنيّة:

و التقينا هيك

كم مرة بس

شديتيني ليكي

و بلشت أحسّ

كان قلبي سامع

من جواكي ما في مانع

بستنى فيكي تحكي

والحكي مني ضايع

سألتني

بدك علاقة

مهتمة؟ عندك جرأة ؟

عندك شجاعة؟

مش عارفة أقول

شو ببالي

خايفة بكلامي تروحي

واتدوري ع بدالي

مش عارفة أقول

شو ببالي

خايفة بكلامي تروحي

و اتدوري ع بدالي

بلشت بخوفي

معك علاقة

بفيق بنام قلقانة

ليش بدكيش ياني

كانك مربوطة بقالب

مش مبسوطة

بتعبي في وقتك

لتلاقي شو بدك

أنا مش أمانك

فكيش تتباهي في

شو ما عملت عشانك

القصة هي هي

زي كلشي عدا

من قبلك خلاني اتحدى

حالي و اقول كيف بسلم

بطاوع كلشي بدا

مش عارفة اقول

خليكي جنبي

القصة هي هي

وجعتيلي قلبي

مش عارفة اقول شو ببالي

خايفة بكلامي

تروحي وادوري ع بدالي

بدالي..

بدالي..

علقتيني فيكي و حبتيني شي أكيد

واللي واقف قدامنا المجتمع و التقاليد

سامعة بكلامك إنّا مش رايحين مكان

والي كان بيناتنا دا كان و كان

أنا مش أمانك

فكيش تتباهي فيّ

شو ما عملت عشانك

القصة هي هي

زي كلشي عدا

من قبلك خلاني اتحدى

حالي و أقول كيف بسلم

بطاوع كلشي بدا

مش عارفة اقول

خليكي جنبي

القصة هي هي

وجعتيلي قلبي

مش عارفة أقول شو ببالي

خايفة بكلامي

تروحي وادوري ع بدالي

بس رح أقول شو ببالي

بطلت أخاف تروحي

اتدوري ع بدالي

أنا مش أمانك

فكيش تتباهي في

شو ما عملت عشانك

القصة هي هي

photo