لمّا نستوعب إنو إحنا كمثليات أو ترانس أو كوير مختلفين عن المسيطر في المجتمع؛ مختلفات بعلاقاتنا العاطفية والجنسية، مختلفين بتعبيرنا الجندري، مختلفين بتصوّراتنا وأفكارنا، منفهم إنّو رح نخسر أشياء بهادا العالم.

رح نخسر طريق واضح وتقليدي ومعروف، رح نخسر علاقة "عاديّة" مع عيلتنا ومجتمعنا، رح نخسر كتير امتيازات، وغيره. هادا الاشي بخلّينا بحالة من الفقدان اللي بالغالب ما منكون واعيين إلو ولكيف نتعامل معه، عشان هيك مهم نفهم هذا الشعور ونشاركه مع الآخرين.

كثير مرات ومع الوقت منفهم أنه إحنا كمان منكسب أشياء فريدة وقيّمة، زيّ أصحاب وعيلة إحنا منختارها، نضوج ورؤية مختلفة للعالم، تحدّي وقوّة وخروج عن السرب؛ وهذا كلّه بخلينا نجتاز الفقدان اللي منعيشه.

عن هذا الشعور بالفقدان، شوفوا هاي الحلقة من القصص المصوّرة (كوميكس) "ترويحة".

واقرأوا هذا النصّ لتمارا ناصر على موقع جيم.

نصّ آخر لتمارا عن فقدان الحبيب والكورونا على موقع فسحة.

وإحكوا معنا عن أي نوع فقدان بتحسّوه على الخطّ :www.alkhat.org

المنشور الأصلي: انستغرام | فيسبوك