عشان منكبر بعالم بحكيلنا طول الوقت إنو تجاربنا الجنسيّة والجندريّة المختلفة مش مزبوطة ومش شرعيّة، يُولَد عنّا كتير مرّات شعور بالذنب نابع من اللي زرعه المجتمع بعقولنا وقلوبنا إنو وجودنا وهويّتنا وتجاربنا غلط أو فيهم مشكلة.

وغير هيك، كتير مرّات العنف المجتمعي تجاهنا بسبب شكلنا وحركاتنا وخياراتنا ونشاطنا السياسي/الاجتماعي ممكن يمتدّ للي حولينا، وبالأساس أهلنا وعيلتنا. فمنحسّ إنو إحنا السبب بمشاكلهم وتعبهم ومنفوت بدوّامة ذنب مستمرّة، مع إنو المجتمع هو السبب ومصدر المشكلة ومش إحنا.

مهم نفهم هذا الشعور وكيف بأثّر على حياتنا، عشان ما يسيطر علينا وما يرافقنا على طول...

"ترويحة" هي قصص مصوّرة (كوميكس) بتحكي عن مشاعر مختلفة، شوفوا هاي الحلقة عن الذنب.

وهون فيه نصّ عن تجربة عمر الخطيب مع الذّنب.

وممكن تسمعوا أكتر عن الشعور بالذنب بحلقة "الجريمة والعقاب" من البودكاست اللطيف "دبس وطحينة".

وممكن تسألوا وتشاركوا وتفكروا أكتر عن هادا الشعور مع خطّ  الإصغاء والمعلومات:www.alkhat.org

المنشور الأصلي: انستغرام | فيسبوك