بحبك

كلمات: محمد حليم
تلحين: جمع تكسير
غناء: رلى عازر

بحِبِك، قالتلي، وحبي الِك مالو مقدار
الموج استحى
وع السور نزلت نجمة ضوّت فنار
بحبِك ويسعد الله
هالضحكه
بتحرّر أسرى وبتحمّس ثوار

بحبك
من أيام الولدني
لما ضعِفتي...ولما نصِحّتي
لما فِعتي.......ولما سَكتّي
لما نفرتيتي ولما حسن صبي كنتي

بحبك ووقت الجد
ع السور بطلع بصيّح
تا وقّف الجزر والمد
وتا اهل حيفا يفزعو
وتصل الرملة ع اللد

لشتريلك خان العمدان
والعرس بقاعة الفرسان
الكبه والتبوله ع امك
والحلو بجيبو من لبنان
بحبك ؟
ولاّ أقول كمان...

بحِبِك، قالتلي، وحبي الِك مالو مقدار
الموج استحى
وع السور نزلت نجمة ضوّت فنار
بحبِك ويسعد الله
هالضحكه
بتحرّر أسرى وبتحمّس ثوار

لموقع مشروع غنّي عن التعريف اضغط\ي هنا